Opisyal nga gipirmahan ni Cebu Governor Pamela Baricuatro ang iyang unang 12 ka executive orders kagahapon, Hunyo 30, 2025. Ang pagpirma gihimo diha sa temporaryong buhatan sa Kapitolyo human sa iyang pormal nga paglingkod isip gobernador sa Probinsiya sa Sugbo.
Ang pormal nga turnover ceremony nahitabo alas-12 sa udto, diin si Baricuatro nidawat ang katungdanan isip bag-ong gobernador sa Sugbo, hulip ni kanhi Gob. Garcia.
Ang maong EO naglangkob sa mga prayoridad sa gobernadora sa probinsya sa Sugbo aron dali matagamtam sa mga Sugbuanon ang serbisyo niini. Gipasalig ni Governor Baricuatro nga ang mga polisiya nga gilatid sa unang mga executive order mopadayon sa tinguha nga mapaayo ang serbisyo sa katawhan ug mapalig-on ang good governance sa probinsya.
Usa kini sa iyang unang lakang aron ipatuman ang iyang mga saad sa kampanya.
Gilauman nga ang sunod-sunod nga reporma ug mga programa nga gipasiugdahan sa bag-ong gobernador magdala og positibong kausaban sa lalawigan sa Sugbo, samtang nagtan-aw ang katawhan sa usa ka bag-ong direksyon sa kapitolyo.
via Renante Socia Lada