Nasikop ang 33-anyos nga babaye nga giila sa alyas nga “Charis” sa mga sakop sa Women and Children Protection Center – Visayas Field Unit (WCPC-VFU) uban sa technical assistance gikan sa Regional Anti-Cybercrime Unit 7 (RACU 7).
Gipahigayon ang operasyon pasado alas-onse sa buntag niadtong Mayo 29, 2025, diin gigamit ang Warrant to Search, Seize, and Examine Computer Data (WSSECD) batok sa suspek. Sa operasyon, naluwas ang upat ka menor de edad — tulo ka mga batang babaye nga may edad 4, 14, ug 15 anyos, ug usa ka 15-anyos nga batang lalaki nga giilang “child at risk.”
Gipahigayon usab ang follow-up operation nga misangpot sa pagluwas sa laing 15-anyos nga babaye nga biktima.
Si “Charis” karon nag-atubang og mga kaso nga naglakip sa:
RA 11930 — Anti-Online Sexual Abuse and Exploitation of Children (OSAEC) ug Anti-Child Sexual Abuse and Exploitation Materials (CSAEM);
RA 9208 nga gi-amendar sa RA 10364 ug RA 11862 — Expanded Anti-Trafficking in Persons Act;
ug RA 7610 — Special Protection of Children Against Abuse, Exploitation, and Discrimination Act.
Brigadier General Bernard R. Yang, Acting Director sa PNP ACG, mipasidungog sa kalampusan sa operasyon ug mibutyag:
“The PNP ACG supports other agencies and units and is ready to provide assistance to pursue perpetrators and strengthen efforts to protect vulnerable individuals from online abuse and exploitation.”
Padayon ang kampanya sa PRO7 ug PNP ACG batok sa online child exploitation, uban sa paningkamot nga mas mapalig-on ang proteksyon sa mga kabataan sa Bag-ong Pilipinas.
Source: PNP- ACG
I via Renante Socia Lada