- Advertisement -
Nakabsan sa iyang kinabuhi ang usa ka babaye daplin sa karsada human gipusil. Pasado 1:00 kaganihang kadlawon, didto sa Sitio Semper, MJ Cuenco Avenue, Barangay Carreta, Dakbayan sa Sugbo.
Giila ang biktima sa Mabolo Police Station nga si Edina Rose Estrada Eleola, 28 anyos ang panuigon, may kapuyo, ug residenti sa Sitio Riverside, Barangay Hiprodromo, sa mao rang Siyudad. Naila usa ang usa sa mga suspect nga si Jaime Obennia Sarimogan, 21 anyos ang pangidaron, ulitawo, taga Brgy. Hipodromo.
Sa nasayran nga makigkita unta ang biktima sa iyang bana sa maong lugar apan kalit kining gipusil sa suspetsado nga naigo sa nagkadaiyang parti sa iyang lawas na maoy hinungdan sa iyang hinalaling kamatayon.
Ang kapulisan padayon pa nga nag imbestigar sa maong krimin aron pagsuta sa motibo sa maong krimin. Padayon pa usab nga gipangita ang mga suspetsado nga daling nisibat human nabuhat ang krimin.
(Renante Lada)
- Advertisement -