Naaktohan sa bana ang iyang asawa nga nakigduwa ug shatong uban sa laing lalaki sulod sa mabugnawong lawak sa usa ka motel sa may Gen. Maxilom Ave. Barangay Carreta dakbayan sa Sugbo sa adlawng Miyerkules, Nobiyembre 6, 2024.
Ang duruha managsilingan ra sa usa ka Brgy. sa siyudad sa Talisay nga nagkasabot nga magpabugngaw sulod sa usa ka motel.
Ang suspetsado nga babaye nag pangidaron ug 44-anyos samtang ang lalaki usab nagpangidaron ug 62-anyos.
Matud pa sa kapulisan nga nasundan sa bana ang iyang asawa uban sa iyang kaduwa sa shatong nga nisulod sa lawak diin sila magduwa.
Daling nanawag ang bana sa Waterfront Police Station aron magpakitabang, diha-diha girespondihan dayon sa kapulisan, hinungdan nga nasakpan gyud sa akto ang duha nga nagkumbati.
Ang duruha kasamtangang gitangong karon sa selda sa Waterfront Police Station, samtang gipaabot ang tukmang kaso nga ipasaka batok kanila. (Renante Socia Lada and Ting Joe Pepito)