Niining nagkaduol na Palarong Pambansa 2024 sa Sugbo nimando karin si Cebu City Acting Mayor Raymond Alvin Garcia na pabantayan ang presyo sa mga palaliton aron dili kini pahimuslan.
“Ang ako lang gyud gitan-aw nga daghan kaayo silang gipamalit, whether dry good or wet goods sa carbon…. I’m now instructing the city administrator nga ang atong price monitoring, nga dapat ma-activate nato, mapadala nato ang atong price monitoring nga mga tawo just to take a look and check nga ang atong mga presyo dili mosaka pag-ayo or ubos. Mao nay pinaka-importante,” matod ni Acting Mayor Garcia.
“Nanagana lang gyud ko kay nakit-an nako ang ilang gipapangpalit binulto, dinaghan,” dugang sa acting mayor.
Si Atty. Kristine Joyce Batucan, ang city administrator, nga aduna silay nadawat nga taho kabahin sa usa ka kaso sa pagpaburot sa presyo sa Carbon Public Market.
Pagkadungog niya niini, niingon si Acting Mayor Garcia nga kung mapamatud-an nga tinuod ang maong panghitabo, angay atubangon sa hingtungdan ang sangpotan unya sa maong buhat.
“You have to face the consequences kay naa man tay mga balaod nga in place. So, of course, naa sab tay mga permits that have to be issued. And then if they do not comply then we can revoke the permits or we will not issue the permits,” pulong ni Acting Mayor Garcia. (Renante Socia Lada)
(Source: Cebu City PIO)