Gipahigayon sa Police Regional Office 7 (PRO7) gikan Marso 8 hangtod 14, 2026, ang usa ka hugot nga manhunt ug anti-crime operations nga nakasikop og 355 ka tawo, lakip ang 94 ka wanted persons sa Central Visayas.
Gipunting sa operasyon ang mga wanted persons, illegal drugs, loose firearms, ug illegal gambling, sumala sa Focused Agenda sa Philippine National Police.
Sa 94 ka wanted persons nga nadakpan, 10 niini giila nga Most Wanted Persons. Nagpakita kini sa kusog nga kampanya sa PRO7 aron madala sa korte ang mga kriminal.
Sa operasyon batok sa illegal drugs, nadakpan ang 270.33 gramos nga shabu nga nagkantidad og ₱1,838,244.
Samtang sa operasyon batok sa loose firearms, nasakmit ang 38 ka armas, 3 ka eksplosibo, ug 90 ka bala. Napadakpan usab ang 13 ka tawo atol sa enhanced police operations.
Sa illegal gambling operations, nadakpan ang mga nagbuhat og illegal number games, Cara y Cruz, illegal card games, illegal cockfighting, ug dice games. Nasakmit ang betting money nga nagkantidad og ₱16,037.
Gipasalamat ni PBGEN Redrico A. Maranan, Regional Director sa PRO7, ang mga police units sa ilang padayon nga serbisyo sa katawhan.
“Through our intensified operations, we continue to arrest wanted persons and crack down on illegal drugs, loose firearms, and illegal gambling. These efforts show our strong commitment to keeping Central Visayas safe,” segon ni PBGen Maranan.
Gisaad usab niya nga ipadayon sa PRO7 ang ilang kusog nga operasyon ug kolaborasyon sa komunidad aron mapugngan ang krimen ug mapadayon ang kalinaw sa rehiyon.
Source: PRO7 PIO
I via Renante Socia Lada
#rpndykccebu