Nikabat ngadto sa 87 ka toneladang basura ang na kolekta atol sa ika-16 nga Cebu Citywide Clean-up Challenge kagahapong adlawa, Hunyo 22, 2024, gikan sa nagkalainlaing mga dagkong sapa sa dakbayan.
Matod kini ni Reymarr Hijarra, pangulo sa Cebu City Environment and Natural Resources Office (CCENRO.
Naglakip ang mga nakolekta sa 70 ka mga sako sa gilainlain nga mga plastic gikan sa amihanang distrito. Sa habagatang distrito, 70 ka mga sako ang nakuha daan sa Brgy. Ermita lang, kung hain anha motugpa ang mga basura nga maanod sa Guadalupe River.
Nagpasalamat si Acting Mayor Raymond Alvin Garcia sa tanan nga nisalmot sa kalihokan, ilabi na sa mga volunteer gikan sa nasudnong mga ahensiya sa gobiyerno, sa mga non-government organizations, people’s organizations, ug sa pribadong sektor.
“Today is the 16th time we’ve done this. And, bisan pa sa mga incidents sa mga pagbaha tungod sa pagbara sa mga sapa ug estero sa basura the past few days, mas grabe nga kadaut pa unta ang atong na-experience had it not been for your collaboration with our collective action. Thank you for all that you are doing in the name of caring for our one and only Cebu City,” pulong niya.
“To our barangay officials who remain very active in our efforts, especially those three barangays who have successfully mobilized their Barangay Ecological Solid Waste Management Committees, I see and recognize your effort and act of care,” nidugang ang acting mayor.
Ang iyang gipasabot mao ang mga barangay sa Basak San Nicolas, Carreta, ug Tejero.
Gipasalamat sab niya ang mga tawo nga kanunay nanglimpyo sa mga kasapaan sa dakbayan.
“Sa atong mga river troopers nga kada adlaw tua sa mga kasapaan nanglimpyo ug nanaud og mga bio fences, sa atong Coastal Resource Management Unit, sa atong mga taga-(Task Force) Gubat sa Baha, salamat, ug padayon!” ingon ni Acting Mayor Garcia.
Ang ika-16 nga Cebu CityWide Clean-up Challenge adunay tema nga “Segregate to Regenerate: Transforming Cebu City, One Cleanup at a Time!”. (Renante Socia Lada)
(Source: Cebu City PIO)