Sa sulod lang sa pito ka adlaw, nadakpan sa kapulisan sa Cebu City Police Office (CCPO) ang 86 ka tawo nga nalambigit sa nagkalain-laing ilegal nga kalihokan. Nasakmit usab ang kapin ₱794,000 nga kantidad sa gituohang ilegal nga drogas.
Gipangulohan ang mga operasyon ni PCOL Enrico E. Figueroa, Acting City Director sa CCPO, nga kauban ang suporta ni PBGEN Redrico A. Maranan, Regional Director sa PRO-7.
Ang operasyon gipahigayon gikan Mayo 16 hangtod Mayo 22, 2025, ug naglakip sa:
- 44 ka drug operations nga nakasakmit og mga ilegal nga drogas nga gibana-bana ug kantidad nga ₱794,056.
- 2 ka tawo ang nadakpan tungod sa illegal nga sugal.
- 8 ka pusil nga walay rehistro ang nakumpiskar.
- 19 ka wanted persons ang nasikop.
Sumala sa CCPO, padayon ang ilang paningkamot nga makunhuran ang krimen ug mapalambo ang kalinaw ug kahapsay sa siyudad.
Matud ni PCOL Figueroa, ang ilang tumong mao ang paglikay sa krimen, paghatag og proteksyon sa katawhan, ug pagpanalipod sa maayong kinabuhi sa mga Sugbuanon.
Source: CCPO
I via Renante Socia Lada