Nakaani og daghang reaksiyon diha sa social media nga aduna diay usa ka lolo sa dakbayan sa Lapu-Lapu nga usa ka pisot.
Si Tatay Mado , 73 anyos ang panuigon, residenti sa Zone Pansat, Barangay Calawisan, siyudad sa Lapu-Lapu, nagpatuli niadtong niaging adlaw.
Ang maong Senior Citizen nakadawat og P20 mil human nisanaong sa panawagan ni Lapu-Lapu City Mayor Junard “Ahong” Chan na “Walay apo ni Lapulapu nga pisot”.
Si Tatay Mado adunay 7 ka mga anak ug 62 kabuok apo diin wala niya gikaulaw nga usa siya kapisot atubangan sa nagtuli niya.
Gikalipay usab kaayo sa 73 anyos na lolo kay ma impas tanan niyang mga utang tungod sa pahalipay nga gihatag sa Mayor.
Mahinumduman aduna puy laing tulo ka mga lalaki nga nagpangidaron og 20 kapin ang nakadawat og tag P10 mil human sila nagpatuli.
Nagpadayon ang panawagan karon ni Chan sa mga wala pa natuli nga pahimuslan ang libring tuli labi na sa mga edaran na kay makadawat usab kini og pahalipay. (Renante Lada , photo courtesy of Lapu-Lapu City Mayor Junard Chan Facebook page)