Gikalipay pag-ayo sa mga opisyalis ug mga konstituwenti sa barangay ang ilang nadawat na 5 ka mga emergency vehicle na gikan sa kagamhanan sa siyudad sa Mandaue.
Tumong niini ang paspas nga pagresponde sa mga emergency situation na maoy gipangusgan ni Mandaue City Jonas Cortes.
Si Fr. Glenn Gabunilas maoy nagblessing sa mga sakyanan.
Si Mayor Jonas Cortes naghatag sa mga emergency vehicles aron paspas ang pagresponde sa kabarangayan sa higayon nga adunay mga pasyente nga nagkinahanglan og dinali-an nga tabang.
Nakadawat sa Patient Transport Vehicle ang Barangay Alang-Alang, Bakilid, Centro, Cubacub, ug Looc.
Nag-turn-over sa gihatag nga emergency vehicles sila si Bise-Mayor Glenn Bercede ug mga City Councilor nga sila si Maline Cortes-Zafra, Malcolm Sanchez, Jen Del Mar, Oscar Del Castillo, Cynthia Cinco-Remedio, Jimmy Lumapas ug ABC President Dante Borbajo uban sa mga Barangay Captain. (Renante Socia Lada)
(Source: Mandaue City PIO)