Hilak ug pag bakho ang gibati sa mga ginikanan human naapil sa pagkapaig ang ilang 4 ka buwan na anak.
Ang sunog nahitabo didto sa Barangay Ubujan, dakbayan sa Tagbilaran Bohol, kagahapon sa udto, Pebrero 24, 2024.
Sa inbestigasyon sa Tagbilaran City Fire Station nadawat nila ang alarma sa sunog alas 12:48 sa udto, gisaka sa unang alarma pagka alas 12:51 ug na fire-out kini pagka 1:17 sa sunod na oras.
Usa ka balay ang naugdaw na adunay danyos na P37,500.00.
Segon ni Mayor Jane Yap sa iyang fb post na adunay usa ka 4 ka buwan na bata ang nabilin sa nasunog na balay.
Nag-awhag si Mayor Yap sa publiko na seguru-on pag susi ang linya sa kuryenti sa balay ug dili biyaan ang mga butang nga gi-charge.
Ang kabomberohan padayon pa sa pag inbestigar sa maong sunog aron pagsuta sa tinuod na hinungdan niini. (Renante Lada, photo courtesy of Mayor Jane Yap)