Hilak ug pagbakho ang gibati sa kabanay human nakabsan sa kinabuhi ang 4 anyos nga batang lalaki human natumbaan sa railings.
Nahitabo ang aksidenti niadtong Oktobre 14, 2024, didto sa Pasil Fish Port sa Barangay Suba, Dakbayan sa Sugbo.
Makita sa CCTV camera sa maong dapit, ang biktima nga 4 anyos nagsandig sa maong railings ug adunay laing bata nga lalaki ang mikatkat. Dihang mikanaog na ang maong bata nga nikatkat didto na dayon natumba ang maong railings ug nadat-ugan ang biktima nga miresulta sa iyang kamatayon.
Gisuwayan pa pagdala sa tambalanan ang biktima apan kaganihang kaadlawon, Martes, Oktubre 15, nakabsan kini sa kinabuhi.
Sa nasayran nga ang bata nga kamanghoran sa tulo ka mga managsuon, gibantayan sa iyang lola kay ang iyang mama nagpabuwan sa lungsod sa Minglanilla samtang ang iyang amahan naa sa prisohan.
Sa pagakakaron gihimo pa ang dugang imbestigasyon kalabot sa maong aksidenti nga nikalas og usa ka kinabuhi.
I via Renante Lada