Subay sa agresibong kampanya batok sa POGO ug POGO-like activities sa Central Visayas, ang PRO 7 nagpasiugda og komprehensibo ug intelligence-driven nga kampanya sa pakig-alayon sa mga LGU ug ubang ahensya sa gobyerno.
Niadtong Oktubre 9, 2024 sa mga alas 4 sa hapon didto sa Moalboal, Sugbo, nihimo og agresibong kampanya nga niresulta sa pagkadiskubre sa 38 ka undocumented nga mga langyaw nga gituohang mga Chinese national, ug daghang mga computer ug gadgets sa usa ka isolated resort villa sa Barangay Saavedra, Moalboal, Cebu.
Subay sa kasamtangang balaod, usa ka inspeksyon ug pagbisita ang gipasiugdahan sa usa ka composite team gikan sa LGU Moalboal, Office the Building Official, Municipal Peace and Order Council, PNP Moalboal, BFP Moalboal. Atol sa inspeksyon, naobserbahan sa team ang presensya sa mga dili dokumentado nga langyaw nga nasyonal, computer sets, ug uban pang gadgets.
Sa inisyal nga impormasyon nga gipadangat sa Hepe sa Kapolisan nagbutyag nga ang mga langyaw eksklusibong nag-abang sa lugar sukad niadtong Septiyembre 28, 2024 ubos sa kadudahang mga kahimtang. Sa pagkuha niini nga impormasyon, ang composite team nagsugod sa inspeksyon ug pagbisita.
Nagpadayon karon ang halapad nga imbestigasyon nga gipasiugdahan sa Cebu PPO inabagan sa CIDU7, RACU7 ug WCPC-VFU. Ang PRO 7 inabagan usab sa BI, DOJ-IACAT ug DSWD.
“PRO 7’s strong stance against POGO, POGO-like activities and all illegal activities will continue and will remain unwavering. With the help of the LGUs, other agencies and the community, let us make Central Visayas free from this type of menace which destroys families and our country”, segon ni PBGEN Anthony Aberin, RD PRO 7. (Renante Lada)
(Source: PRO-7)