Sub-sub na karon ang pagpangandam sa Probinsya sa Sugbo para sa umaabot nga United Nations Tourism Organization (UNTO) Joint Commission Forum, sunod semana Hunyo 26 hangtod 28, 2024.
Tambungan kini sa dili muminos 30 ka mga Unto- member nga mga nasud sa Asya ug Pacific, lakip ang Australia, Japan, China, South Korea, Malaysia, Indonesia, Papua New Guinea, Laos, Vietnam, ug Spain.
Gilauman ang ilang presensya para sa 36th Joint Meeting sa UN Tourism Commission for East Asia and the Pacific and the UN Tourism Commission for South Asia (36th CAP-CSA), diin ang Sugbo maoy mag host niini.
Si Cebu Gov. Gwen Garcia nangandam sa himuong technical tour sa mga deligado ngadto sa Cebu’s top-tourism drawers.
Ang mga lugar nga besitaon sama sa; Dalaguete, Argao’s heritage tourism, Aloguinsan para sa eco- tour of Hermit’s Cove ug Bojo River Cruise.
Salmutan usab kini sa mga LGU’s sa Sugbo, tourism officers ug mga stakeholders. Si Sec. Christina Frasco napili isip Vice President sa 25th General Assembly of UNTO ug chairperson sa UNTO Commission for East Asia and the Pacific. (Renante Socia Lada)