Makalingaw pero makapadasig nga hitabo ang nasaksihan kagahapong adlawa, Mayo 30, 2025, sa Hoopsdome atol sa gihimong Libreng Tuli Program, diin tulo ka miyembro sa LGBTQIA+ community ang miapil sa pagpapatuli isip suporta sa kampanya nga “Walay apo ni Lapulapu nga pisot!”
Gipasabot sa mga doktor nga ang pagpatuli adunay daghang health benefits, sama sa paglikay sa UTI, sexually transmitted infections (STIs), ug penile cancer.
Ang tulo ka LGBT participants nga atong tago-tagon sa mga ngalan nga Layla (22 anyos), Lesley (26 anyos), ug Hanabi (35 anyos) – mga residente sa Sudtunggan, Basak – nakadawat og tag-₱10,000 nga pahalipay tungod sa ilang kadasig ug kaisog sa pagpa-tuli, bisan pa sa mga istorya ngs makapahadlok.
Matod pa nila, dali ra gyud kaayo ang proseso, ug wala silay giantos nga grabe nga kasakit. Gipakita nila nga dili babag ang gender identity sa pagbaton og maayong panglawas.
Apil sila sa gatusan ka kabatan-onan nga niapil sa programa, nga tumong nga mapalig-on ang kahimsog sa mga lalaki, lakip na sa LGBT community.
Source: LLC Mayor Junard “Ahong” Chan
I via Renante Socia Lada