Cebu: 27 ka mga Persons with Disability sa Dakbayan sa Mandaue gipanghatagan og wheel chair

Dako ang kalipay sa mga Persons with Disability (PWD) sa dakbayan sa Mandaue sa gipanghatag na wheel chair.

Nahitabo kini atol sa sa tigum sa Liga ng mga Barangay diin gipanghatag sa Persons with Disability Office pinaagi ni Michael Pielago ngadto sa mga kapitanes ang tagsa-tagsa ka mga wheelchair sa matag-barangay.

Nikabat sa 27 ka mga wheel chair ang na apod-apod na gitambungan ni Mayor Jonas Cortes uban sa mga opisyalis sa dakbayan sa Mandaue ug mga opisyalis sa Barangay.

Matod pa na ang maong wheel chair na gipanghatag sa matag-barangay aron magamit kong adunay manginahanglan nga PWD or pasyente.

Usa kini ka tinguha sa Mayor na matabangan ang mga nagkinahanglan sa dakbayan sa Mandaue labi na ang mga PWD. (Renante Socia Lada)