Atol sa pagbunok sa kusog na ulan kagahapong adlawa, usa ka pick up truck ang naanod didto sa Barangay Cantumog, lungsod sa Carmen, Sugbo, pasado alas 5:00 sa hapon, Hulyo 8, 2024.
Sa Imbestigasyon sa Carmen Police Station nasayran na ang 17 ka mga tawo sakay sa Isuzu D-Max na giaanod sa baha atol sa pagtabunok nila sa maong sapa.
10 ka mga sakay ang naluwas, 4 ang kumpirmadong patay ug 3 ang na missing na padayong gipangita sa mga sakop sa Municipal Disaster Risk Reduction and Management Office (MDRRMO), sa mga lungsod sa Carmen, Catmon, ug dakbayan sa Danao.
Nasayran nga daghang mga minor de edad ang naanod sa maong pagbaha lakip ang usa ka buntis.
Sa pagkakaron magpadayon ang search and rescue operation ug imbestigasyon may labot sa maong trahedya na nikutlo og mga kinabuhi. (Renante Lada & Ting Joe Pepito)