Mas gipabarug pa sa kapulisan ang mensahe nga walay luna ang krimen sa lalawigan human sa 3-adlaw nga sunod-sunod nga operasyon sa Cebu Police Provincial Office (CPPO) gikan Agosto 6 hangtod 8, 2025, ubos sa liderato ni Acting Provincial Director PCOL Christopher M. Bermudez.
Sa operasyon nga gilusad ubos sa Regional Simultaneous Anti-Criminality Law Enforcement Operation (SACLEO) ug Synchronized Enhanced Managing Police Operations (SEMPO), nadakpan ang kapin 157 ka tawo nga giingong nalambigit sa iligal nga drogas, wanted nga kriminal, iligal nga sugal, ug paglapas sa balaod sa armas. Nakuhaan usab og kapin ₱1.1 milyon nga kantidad sa gituohang shabu, nadakpan ang daghang pinangita nga mga kriminal, napaundang ang iligal nga sugal, ug nakumpiskar ang armas gikan sa mga wala’y katungod nga maggunit niini.
“These accomplishments show that the Cebu PPO will never waver in its duty to uphold the law, protect the innocent, and hunt down those who threaten the peace of our communities. We operate with discipline, respect for human rights, and an unrelenting commitment to bring criminals to justice,” matod ni PCOL Bermudez,
nga nagsunod sa tinguha ni PBGEN Redrico A. Maranan nga Makabagong Pulis sa Makabagong Panahon: Respetado ang Mamamayan, Disiplinado ang Kapulisan.
Gipasabot usab ni Bermudez ang pahimangno ni Gobernor Pamela S. Baricuatro nga walay luna ang krimen sa Cebu.
Source: CPPO
I via Renante Socia Lada