Nagpakita sa ilang katakus ang 120 ka mga bata nga participants sa gihimo nga Pushbike Race sa Mandaue City Heritage Plaza, kagahapong adlawa Agosto 17, 2024.
Gitumong sa Mandaue City Sports Commission and Development Office ang pagpahigayon og Pushbike Race sa mga bata pa kaayo sa edad nga 2 anyos hangtud 8 anyos aron pag-develop sa ilang kalig-on ug sportsmanship.
Si Mary Joy Tabal ang Head sa Mandaue City Sports Commission and Development Office nagpasalamat sa suporta ni Mayor Jonas Cortes sa paghatag og oportunidad sa kabataan nga mamahimong sportsminded ug mabansay-bansay ang ilang katakus.
Ang kalihukan sa Pushbike Race 2024 gisuportaan og gitambungan sa mga City Councilors nga sila si Maline Cortes-Zafra ug Cynthia Cinco- Remedio. (Renante Socia Lada)
(Source: Mandaue City PIO)