Nagmalampuson ang gihimo nga buy-bust operation sa Kapulisan sa Cebu City Police Office, Drug Enforcement Unit (DEU),Pardo Police Station, uban sa Philippine Drug Enforcement Agency (PDEA-7).
Ang buy-bust operation gipahigayon pasado alas 4:52 kaganihang kadlawon, Nobembre 22, 2022, didto sa Sitio Paula Maria , Barangay Inayawan, Dakbayan sa Sugbo.
Ang mga suspetsado nga nasikop giila sa Pardo Police Station nga mao sila si Alexander Ponce, 31 anyos ang panuigon, residenti sa Barangay Poblacion Pardo, ug Jessie Abadiano 31 anyos ang pangidaron nagpuyo sa Barangay Bulacao sa dakbayan sa Sugbo.
Nakuha sa ilang position ang mga binultong shabu nga adunay street value nga kapin sa 12 million pesos.
Dugang inbestigasyon ang gihimo karon sa kapulisan aron pagsuta kung si kinsa ang supplier sa ginadiling drugas sa duha ka mga dinakpan.
Samtang giandam na usab karon ang kasong kalapasan sa R.A 9165 kon Comprehensive Dangerous Drugs Act of 2002.
Contributed Photo
via Renante Lada