Giakusahan sa Office of the Ombudsman ang 11 ka indibidwal, lakip na mga opisyal sa siyudad, tungod sa kaso nga may kalabotan sa anomaliya nga kontrata sa pangolekta sa basura nga nagkantidad og kapin ₱239 milyon.
Base sa imbestigasyon sa NBI-Central Visayas, giingong nakadawat og sobra nga bayad ang joint venture nga DOCAST Construction ug JJ&J Construction kumpara sa tinuod nilang trabaho. Gamit pa kuno og peke nga dokumento aron mapadayon ang pagsingil sa gobyerno bisan pa nga giban na sila sa dumpsite operator tungod sa kapakyas sa pagbayad.
Gipasanginlan usab nga wala magpakita og hustong pagbantay ang mga opisyal sa siyudad sa dihang gi-proseso ang bayad sa kompanya, hinungdan nga nalugi ang pondo sa siyudad og dako kaayo nga kantidad.
Gawas sa kasong kriminal, posibleng ma-atubang sa mga akusado ang administrative nga silot sama sa pagtangtang sa serbisyo, kanselasyon sa eligibility, pagkuha sa retirement benefits, ug dili na gyud pagpasulod sa trabaho sa gobyerno.
I via Renante Socia Lada