Nikabat og pipila ka oras ang pagpangita sa 11 anyos nga batang lalaki human kini naanog sa sulog sa dagat.
Didto kini nahitabo sa Barangay El Pardo, lungsod sa Boljoon, Sugbo, pasado alas 5:00 kagahapon sa hapon, Agosto 26, 2024.
Sa imbestigasyon sa Boljoon Police Station nasayran nga ang biktima nikuyog kini sa pagpanagat gamit ang pukot anang buntag.
Nisawom kini sa tubig apan wala na kini nitunga pa, dali gihimo ang rescue operation apan napalgan nalang kini nga wala nay kinabuhi nga posibling gisuyop kini sa sulog sa dagat.
“Giyahi ug agaka kanunay ang mga bata ilabi na kung mu adto sa dagat aron malayo sa disgracia sama niining ge respondihan sa atong ANDAM Boljoon emergency response team didto sa Tubigan, El Pardo, Boljoon, Cebu karon lang hapon.
Mipahigayon ug Search and Rescue Operations ubos sa mando ni Mayor Joie Derama ang atong Andam Boljoon ERT aron pagpangita sa 10 anyos nga bata sa kabaybayonan sa Molobolo ug nakaplagan kini nagbuy-od na ilalum sa dagat,” awhag sa Boljoon MDRRMO. (Renante Lada and Ting Joe Pepito)