Niangol og 8 ka mga tawo ang nahitabong disgrasya nga nag lambigit sa usa ka 10- wheeler truck.
Didto kini nahitabo sa Barangay Santa Ana, lungsod sa Barili, Sugbo, pasado 2:30 kagahapon sa hapon, Hunyo 22, 2024.
Ang maong 10- wheeler truck gimaniho ni Joemarie Delmonte, taga siyudad sa Voctorias, Negros Occidental.
Sa imbestigasyon sa Barili Police Station nasayran nga nagbiyahi ang mang truck na adunay mga kargang samento paingon sa pantalan didto sa lungsod sa Dumanjug, Sugbo.
Apan sa pag abot na sa dulhugon nga lugar, matod pa wala ni gana ang brake sa maong truck na maoy hinungdan nga ni dasmag kini sa mga nag parking sa maong lugar.
Wala pa gyud kini nihunong hangtod nadusmo sa edipisyo sa usa ka bangko sa maong dapit.
Sa pagkakaron padayon ang imbestigasyon sa kapulisan og gitanggong usab ang suspetsado nga drayber. (Renante Lada | Ting Joe Pepito)