Pormal nang milingkod kagahapon sa iyang bag-ong katungdanan si PCol. Aaron M. Mandia isip Officer-In-Charge sa Cagayan de Oro City Police Office kon COCPO.
Gihulipan ni Col. Mandia si outgoing City Police Director PCol. Henry G. Dampal kinsa naabot na ang tour of duty limit nga duha ka tuig sa COCPO.
Si Col. Mandia nahimong hepe sa Logistics Division sa Police Regional Office 10 sa Camp Alagar sa wala pa siya matudlo isip OIC City Police Director sa dakbayan.
Pagkahuman sa turnover of command didto sa Camp Alagar, mikortesiya gilayon si Col. Mandia kang Mayor Oscar Moreno, uban ang mga kadagkoan sa COCPO. (IAF, photos courtesy by Jomar Figuracion)