Si PCOL Enrico E. Figueroa, ang kasamtangang City Director sa Cebu City Police Office (CCPO), mikonsiderar nga nga dakong kalampusan ang Oplan Bulabog ug naghatag og dakong epekto sa pagpalig-on sa seguridad sa publiko ug pagmintinar sa kahapsay sa komunidad.
Kauban sa mga inisyatiba sa Police Regional Office 7 nga gipangulohan ni PBGEN Redrico A. Maranan, ang CCPO padayon nga nagpalig-on sa presensya sa kapulisan ug nagpadala og dugang pwersa sa mga dapit nga apektado sa kriminalidad ug iligal nga negosyo sa ginadiling drugas.
Sukad sa paglusad sa Oplan Bulabog niadtong Pebrero 14, 2025, kini nakab-ot ang dakong kalambuan sa tulo ka barangay: Duljo Fatima, Mambaling, ug Pasil.
Ang Cebu City Police Office nakahimo og: Pag-inspeksyon sa 6,901 ka establisemento. Pagluwas sa 273 ka minor de edad nga nakalapas sa curfew. Pagpagawas og 90 ka violation tickets tungod sa paglapas sa mga ordinansa sa syudad, sama sa pagpanigarilyo ug pag-inom sa publiko, pag-ihi sa gawas, pagpanglabay og basura, ug vandalism sa tibuok Cebu City.
Padayon nga nagpakabana ang Cebu City Police Office sa kalampusan niini nga kampanya ug nangayo sa tibuok suporta sa katawhan aron mas mapalig-on ang kampanya batok sa kriminalidad ug iligal nga drogas nga naghulga sa nasudnong seguridad.
Sa iyang mensahe, gipasalamatan ni PCOL Figueroa ang katawhan sa ilang lig-on nga suporta sa maong inisyatibs alang sa kahapsay ug kalinaw sa Cebu City. (Renante Socia Lada)
(Source: CCPO)