Mangnamnama ni Laoag City Mayor Michael Marcos Keon a maipatungpal ti cash for work program para kadagiti 2,039 a residente manipud kadagiti nadumaduma a barangay iti suidad ti las-ud ti lima nga aldaw.
Kangrunaan a trabaho da iti pagdalus kadagiti estero ken kanal ken panagmulada ti kayu kadagiti barangay da.
Tunggal recipients ti makaawat ti 1,275 pesos a sweldo, daytoy a programa ti kinumpirmaran a mismo ni Estrella baby Sacro ti OIC ti Provincial Environment and Natural Resources Office babaen ti programa ti narimat nga aglawlaw iti administrasion ni Gob. Matthew Marcos Manotoc.
Patien ti mayor a dakkel ti tulong daytoy kadagiti mapili a residente ti suidad a maaddaan ti trabaho nangnangruna ita a panawen ti pandemia.
Inbatad pay ni Mrs. Sacro iti panagbinnulig pay ti provincial government ken ti opisina ni vice governor Cecilia Araneta Marcos iti panagtulongda ti City Government iti programa a mangipaay ti Household Composting Pit wenno pagbasuraan ti tunggal pagtaengan.
Dakkel ti pammati ni mayor nga agballaygi dagitoy a programa tapno agtalinaed iti kinadalus ken panagsalwad ti aglawlaw. (OIC Rod Sadian, RPN DZRL Batac)
(Source: LGU – Laoag City)
