Zamboanga del Sur – Mapasalamaton ang pipila ka mga Indigent Senior Citizens nga mga lumulopyo diri sa lungsod sa Molave human sila makadawat ug ayuda gikan sa buhatan ni Governor Victor J. Yu karon hapong Abril 20, 2021 diri sa Municipal Chamber nga nahimutang sa 2nd floor Municipal Hall, Molave Zamboanga del Sur.
Mismo si Hon. Mayor Cyril Reo A. Glepa ang personal jud nga mitunol sa cash ug food subsidy ngadto sa mga benepisyaryo niini nga naapektohan sa Covid-19 pandemic. Makita sa mga hulagway sa mga nakadawat ang kalipay kay bisan paman sa pandemya nga atong giatubang karun aduna silay nadawat nga ayuda nga makatabang sa ilang pipila ka adlaw nga panginahanglonon.
Ug sa pikas bahin ang mga personahe sa DSWD kauban ang OSCA sa Molave maoy mipahiluna sa mga dokumento arun matabangan ang maong mga indigent senior citizens. (Igmat Molave)
(Photo Courtesy of Mayor Cyril Glepa)