Governor Francisco Matugas mipatuman nan lockdown sa Capitol compound sugod Biyernes sa hapon Mayo 28 hangtud Lunes Mayo 31, 2021.
Gipatuman kagabii an disinfection sa Capitol compound samtang kuman Martes, jadton mga negative ra amoy makaopisina. An mga senior citizens sanan jaon may balatian sa panglawas pwede ra sila sa work from home.
Kahapon 61 ka empleyado sa kapitolyo nagpositive sa antigen test. An mga nagpositive sa antigen ipa undergo sa RT PCR test ug makagawas o makaopisina lamang sila kon negative an resulta sa swab.
An mga asymptomatic nga nagnegative sa antigen an pabilin sa home quarantine apan kon may symptoms dayhon sa Surigao del Norte Provincial Hospital.
Lakip apektado sa lockdown an LTO sanan Bulwagan ng Katarungan.
(RPN DXKS Surigao via Gov Weekend Report)