Cagayan de Oro: Taas nga ihap sa nataptan sa COVID 19 gikan nagbiyahe gawas sa CDO

Daghan sa mga nataptan sa COVID 19 dinhi sa syudad adunay pagbiyahe gawas sa Cagayan de Oro basi sa datos sa City Health Office.

Visit RPN DXKO Cagayan de Oro

Sa pinakaulahing ihap niadtong, Enero 11, 18 sa 77 ka mga nataptan gikan nagbiyahe gawas sa syudad, samtang 7 kanila nagtambong og tapok-tapok o gathering.

Samtang, nag-una na usab sa pinakadaghan og kaso ang Barangay Carmen ug gisundan kini sa Brgy. Lumbia ug Balulang.

Subay niini, makanunayong naghangyo ug nagpahimangno si Mayor Oscar Moreno lakip ang City Health Office ug Emergency Operation Center sa katawhan sa pagsunod sa minimum public health standards ug paglikay sa daghang tapok aron makalikay sa virus.

(Source: City Health Office | Cagayan de Oro City Philippines Facebook page)