Aduna nay pagpangandam ang syudad ubos sa administrasyon ni Mayor Rolando `Klarex’ Uy kalabot sa posibleng epekto sa El Niño human nagpagawas og El Niño alert ang buhatan sa Philippine Atmospheric Geophysical and Astronomical Services Administration (PAGASA) mahitungod sa maong phenomenon.
Gani, aduna nay mga water pumps, water tanks, solar power irrigation projects, spring development project, small farm reservoir project ang gipanghatag ug gibutang sa pipila ka mga barangay isip El Niño response sa syudad.
“Initiated by the city government under the administration of Mayor Klarex kini nga mga projects, first time kini sa syudad,” matud ni City Agriculturist Paterno Gonzales sa Agricultural Productivity Operations Office (APOO) atol sa ‘Department In Focus’ nga programa ubos sa City Information Office.
Dugang niini, aprobado na ang budget, ug gani, for purchasing na ang geo resistivity machine ug posible nga moabot kini karong bulana. Ang geo resistivity machine usa ka ekipo nga motumbok sa posible nga tinubdan sa tubig ilawom sa yuta diin dako kini nga tabang alang sa dugang nga irrigation sa mga mag-uuma.
Samtang, gidasig usab ni Gonzales ang mga mag-uuma nga magpa-insured sa ilang mga crops aron aduna silay paabuton nga assistance gikan sa insurance claims kon ugaling mangadaot ang ilang mga pananom tungod sa El Niño.
(News and photo courtesy of CIO CDO)