Cagayan de Oro: Renewal sa mga job order ug casual gilugwayan kutob Agosto 31

0
0

GILUGWAYAN ni Mayor Klarex Uy og laing usa ka bulan ang pagpanarbaho sa mga job order ug casual nga kawani sa city hall.

Kini human nagpagawas ang mayor og usa ka kamandoan alang sa renewal sa mga JO ug casual kutob Agosto 31 ning tuig.

Hinoon, giklaro ni Mayor Klarex nga moagi na sa evaluation ang performance sa matag usa aron masuta kung angayan ba kini nga i-renew o’ dili ang appointment.

Nangayo nang daan sa pagsabot si Mayor Klarex sa mga hintungdan kon ugaling dili makapasar sa evaluation ug dili na ma-renew ang ilang appointment ini’g lapas karong hinapos sa bulan.

Sa iyang paglingkod isip mayor niadtong udto sa Hunyo 30, kahinumduman nga gihatagan ni Mayor Klarex og usa ka bulan nga ‘extension’ ang appointment sa mga job order ug casual taman Hulyo 31.

Source: City Hall

LEAVE A REPLY

Please enter your comment!
Please enter your name here