Cagayan de Oro: Problema sa baha sa 5 ka barangay, gihingusgan nga mahatagan og kasulbaran

0
34
creek flooding

Gibisitahan sa hiniusang puwersa sa Hapsay Sapa Team sa administrasyon ni Mayor Rolando ‘Klarex’ Uy ang lima ka mga barangay nga adunay problema sa pag-awas sa tubig sa creek nga maoy hinungdan sa pagbaha sa ilang lugar.

Ang site inspection gipangulohan sa Hapsay Sapa Team pinaagi ni Patrick Gabutina uban sa mga kadagkuan sa City Engineering Office, Office of the Building Official, City Housing and Urban Development Department ug City Assesor’s Office.

Giadtoan sa grupo ang Barangay Consolacion, Puntod, Barangay 21, 23, ug 25 nga pulos nakasinati og pagbaha ilabina nga duol kini sa creek.

Nasayran sa Team nga gawas sa duha ka balay nga anaa mismo sa creek gitukod, adunay mga residenti ug usa ka establisimento nga giingong gisampungan ang creek hinungdan sa pagbaha sa ilang lugar.

Sa kasamtangan, nahukman sa Team nga magpahigayon og declogging activity sa creek palibot sa maong mga barangay.

(News and photo courtesy of CIO CDO)

Leave a Reply