Ang Department of Agriculture-Region 10 mikonpirmar sa pinakaunang swine fever case sa Northern Mindanao nga anaa sa barangay Pandan sa lungsod sa Mambajao probinsya sa Camiguin.
Kini nasuta tapos sa gihimo nga disease investigation ug surveillance activities sa nakalabay nga adlaw nga gihimo sa Provincial Veterinary Office sa nahisgutang dapit. Tapos sa laboratory test alang sa African Swine Fever o ASF nga gihimo sa Regional Animal Disease Diagnostic Laboratory nasayran nga positibo ang resulta gikan sa tanang samples nga nakolekta.
Matud pa ni Regional Executive Director Carlen Collado nga gihimo na nila ang coordination ug ground activities aron masanta ang maong sakit uban sa Regional ASF Task Force ug sa Provincial Local Government of Camiguin ug LGU Mambajao.
Gipatuman usab ang biosecurity measures sa nahabiling queen zone areas sa probinsya.
Gidugang pa sa pasalig ni Director Collado nga gipaningkamutan sa Regional Task Force sa ASF, LGUs ug private stakeholders ang pag-isolate eliminate ug control sa maong mananakod nga sakit.
Source: DA