Gitun-an na sa kagamhanang local ning syudad ang pagmugna og ‘human milk bank’ aron mas mapalapdan ug mapahugtan pa ang kampanya sa breastfeeding alang sa mas himsog nga mga kabataan.
Ning bag-o lang mibisita si Dr. Stephanie Denise R. Alagadan kinsa maoy chairman sa Department of Pediatrics sa JR Borja General Hospital kauban si Dr. Shiela Taal kang City Health Officer Dr. Rachel Dilla aron paghisgot ug pagplastar sa katukoran sa human milk bank sa Cagayan de Oro.
Lakip sa misalmot sa panagtigom si City Nutrition Action Officer Nenita Rabe ug Ms. Caroline Cabunoc, nga focal person usab sa Infant and Young Child Feeding.
Gani man, dako ang kalipay sa City Nutrition Committee nga makigtambayayong sa katukoran sa Human Milk Bank. (ACM)
(Source: City Information Office | City Nutrition Committee | Cagayan de Oro City Philippines Facebook page)