Cagayan de Oro City – Gipahibalo karon sa Technical Working Group (TWG) sa Rio de Oro Boulevard nga gidid-an na ang mga pet owners nga magdala sa ilang mga binuhing iro, iring ug uban pa nga mga pets sulod sa Boulevard sugod karong adlawa, sigun sa usab kini sa instruction ni Mayor Rolando `Klarex’ Uy.
Lakip sa gidili mao ang pagdala og bottled water kini human maobserbaran nga bisan asa ra kini ilabay ug ibilin sa mga nagdala hinungdan nga magkalat ang basura sulod sa Boulevard.
Matud ni Atty. Jose Edgardo Uy nga ang rason niini mao nga daghang mga pet owners ang nagpasagad diin biyaan ra ang hugaw sa ilang mga mananap nga matumban sa ubang mga tawo hinungdan nga mokalat ang hugaw.
Dugang ni Atty. Uy nga isulod na lang sa ilang flask bottle ang tubig.
Una nang gipadayag sa TWG sa Boulevard nga kung magdala og mga binuhing mananap sulod sa Boulevard ang mga pet owners sul-oban nila kini og diaper.
Adunay nisunod sa gabayan apan anaay wala nagpatuo hinungdan nga niabot sa buhatan ni Mayor Klarex ang mga reklamo ug rason nga nakahukom ang mayor nga dili na ipasulod ang mga pets ug bottled water.
(News and Photo courtesy of CIO CDO)