Nahimutang sa Balingasag, Misamis Oriental ang bag-ohay lang nahimo nga balaod nga LTO District Office human giduso kini ni Kongresista Christian Unabia alang sa mga Misamisnon nga buot modangop sa mga serbisyo sa LTO. Pamaagi sab niini mas mapaduol ug mapadali na sa katawhan nga makaangkon sa nagkadaiyang serbisyo ubos sa nasangpit nga buhatan.
Sa maong kalambuan, gipaabot nga mas konveniente na ang pagdangop sa katawhan sa buhatan sa LTO. Lakip sa maserbisyuhan sa maong district office dili lamang ang unang distrito sa Misamis Oriental kon dili bisan pa ang kanait nga mga dapit sa silingang probinsya nga mao ang Bukidnon.
Malaumon si Cong. Unabia nga pinaagi niini, mas dugang pang serbisyo publiko ang ilang matunol ilabi na dinhi sa pulo sa Mindanao.
(Source: Misamis Oriental Provincial Information Office Facebook page)