Nakabsan ug kinabuhi ang usa ka lalaki human kini maanod sa kusog nga baha samtang nagbutang ug Fish trap sa sa may Sitio Larapan, Kiabo, Malitbog Bukidnon Sabado sa hapon, May 6, 2023.
Ang biktima giila nga si Ruel Ancaton, 39-anyos, lalaki, ug residente sa maong dapit. Sigun sa taho nga kauban niini ang iyang mga higala, nakadesisyon kini nga magtaod ug fish trap apan naanod kini tungod sa kusog nga kuryente sa tubig sa sapa dala sa kusog nga ulan.
Dali usab kini gi-respondehan sa MDRRMO sa maong lungsod uban sa ubang volunteers para sa Search and Rescue Operation ug malampusong nakuha ang lawas sa biktima Domingo sa buntag, Mayo 7, 2023 sa may Sitio San Isidro, Omagling, Malitbog Bukidnon. (Cheleste Simene, photo courtesy of MDRRMO Malitbog, Bukidnon)