Ubay-ubay ka kababayen-an ning siyudad ang giila isip ‘inspiring women’ atol sa ‘Gabi ng Parangal,’ Marso 30, diha sa City Community Amphitheater, ning siyudad.
Kini gilangkoban na sa mga department managers ug empleyado sa city hall, national government agencies, mga miyembro sa Barangay Women Development Council, punong barangay, city officials ug uban pa.
Ang matag usa kanila midawat sa plaque of recognition ug certificate of recognition.
Ang maong pasidungog gipangulohan sa City Gender and Development Focal Point System nga gipangulohan ni City GAD focal person Sheila Lumbatan kansang tinguha nga mahatagan sa importansya ang ilang kontribusyon ug pagpaningkamot alang sa positibong epekto sa ilang pamilya ug komunidad.
Kini kabahin usab sa kasaulogan sa National Women’s Month ning bulan sa Marso.
(News and photo courtesy of CIO – CDO)