Pormal nga gisugdan ang pagtukod sa Perimeter Fence sa Philippine National Police – Provincial Police Office sa Barangay San Martin, Villanueva ning lalawigan. Kini human nagpahigayon ang Pangagamhanang Probinsyal sa groundbreaking and capsule laying ceremony sa maong lugar.
Gibutyag sa contractor nga dul-an nuwebe milyones (P 8, 994, 651.00) pesos ang kantidad sa maong proyekto. Matod ni PNP Provincial Director PCol. Gonzalo Villamor Jr., dako ang tabang sa perimeter fence sa kapulisan aron mahatagan sila sa seguridad sa maong pasilidad.
Mitambong sa maong kalihokan sila 2nd District Representative Congressman Yevgeny “Bambi” Emano, mga miyembro sa Sangguniang Panlalawigan, Misamis Oriental Department Heads Association (MODHA), Special Assistant to the governor Ms. Vergilia “Bing” F. Dumadag, ug mga kadagkuan sa Brgy San. Martin pinangulohan ni Kapitan Agustin Sabio.
Ubos kini nga kalihokan sa PAGLAUM agenda sa gobernador nga nakalatid sa letrang “M” kon Mobilization Resources Thru Equitable Sharing.
(News and Photo courtesy of MisOr. PIO)