Giawhag sa Department of Information and Communication Technology kon DICT ang katawhan nga magparehistro na sa ilang mga sim cards. Gidugang ni Basadre nga importante kaayo ang pagparehistro sa sim card aron malikay ang katawhan sa mga krimen.
Gidugang usab ni Basadre nga usa ka pama-agi ang sim card registration sa pag trace ug pagdakop sa mga tawo nga nakalapas sa balaod.
Samtang mapasalamaton si Basadre ngadto ni Governor Peter “Sr. Pedro” M. Unabia sa hugot nga suporta sa gobernador nga mapatuman ang pagparehistro sa sim card.
Kahinomduman nga gilugwayan ug nubenta ka adlaw ang deadline sa sim card registration nga matapos sa Hulyo 25 ning tuiga.
Kabahin kini nga kalihokan sa PAGLAUM strategic direction sa administrasyon nga nakalatid sa letrang P kon Participatory Governance.
(News and photo courtesy of Misamis Oriental PIO)