Gidemolish sa otoridad ang kabalayan sa giokupahan sa mga illegal settlers sa Zayas Landfill sa barangay Carmen ning syudad sa Cagayan de Oro.
Ang mga illegal nga struktura sa sitio Zayas gipabarog sud sa 27 ka hektaryang luna sa pribadong propiedad.
Moabot sa napulo ka libo ang miokupar niini nga kadaghanan nagagikan sa gawas sa Cagayan de Oro.
Si Mayor Oscar Moreno nagsugilon nga samtang adunay balaod nga nagpabor sa mga illegal occupants, nagpabilin gihapon nga diil makapuyo ang katawhan sa usa ka pribadong luna kon panugot sa tag-iya niini.
Gidugang pa sa mayor nga samtang nangitag paagi ang gobierno matabangan ang mga illegal settler apan dili angayan nga pasagdan na lamang ang maong illegal buhat.
Nasayran nga ang tawong nagdala sa mga illegal occupants sa Zayas, Carmen giingong nagpabayad sa kwarta gikan sa maong mga tawo nga gikan pa sa gawas sa Cagayan de Oro.
(Source: Cagayan de Oro CIO)