Kanunay giila sa syudad ubos sa administrasyon ni Mayor Rolando `Klarex’ Uy ang kahusay ug kaluwasan sa publiko isip usa ka mahinungdanong bahin sa RISE CDO Agenda.
Kini human gimugna sa mayor ang Barangay Tanod Development Committee pinaagi sa Executive Order No. 125-2022 ug gipangulohan kini ni City Police Director PCol. Aaron M. Mandia isip chairperson, ug ni City Department of Interior and Local Government Director Engr. Jane J. Docallos isip co-chairperson.
Alayon niini, maghimo og mga sumbanan ang komitiba alang sa mga kwalipikasyon, screening, selection ug creditation sa mga tanods.
Dumduman nga gihangyo sa mga punong barangay si Mayor Klarex nga mabalik na ang training sa mga barangay tanod aron ilang madugangan ug mahulipan ang nangundang nga mga barangay tanod sa syudad.
(Source: Cagayan de Oro City Information Office Facebook page)