Mailako dagiti nagduduma a prudukto ti probinsia iti angayen ti gobierno local ti San Juan City a Christmas Bazar a mangrugi intono Disyembre dos.
Gapu iti daytoy, maragsakan ni Gob. Matthew J. Marcos Manotoc gapu ta adda manen ti lugar a pakailakuan dagiti prudukto ti probinsia a sigurado a makatulong kadagiti kakailian.
Inpeksa metten ni San Juan City Mayor Francis Zamora ti gagarna ken dagiti kalugaranna a makaraman babaen iti igagatangda kadagiti nagduduma a prudukto ti probinsia kas iti bagnet, longganisa, bawang, nagduduma ti klasena a nateng ken prutas.
Mairaman pay a mailako dagiti maipagtangtangsit ti probinsia a prudukto kas iti empanada ken kornik.
Immun-una ngem iti daytoy, bimmisita ni Gob. Marcos Manotoc iti opisina ni Mayor Zamora tapno iti kasta ket ad-adda pay a mapasingkedan ti napintas a relasyon ti probinsia ken ti Siudad ti San Juan. Â (Irene Ringor)
(Source: Provincial Government of Ilocos Norte)