Nanawagan si City Administrator Atty. Hilario Roy Raagas ngadto sa mga department heads ug kawani sa city hall nga suportahan ang development agenda ni Mayor Klarex Uy.
Atol sa flagraising sa city hall Lunes sa buntag, gipasabot ni Raagas kung unsa ang acronym o’ katuyoan sa RISE kon (R)egionalization and Metropolization, (I)nstitutional Development, (S)ecurity and Safety, ug (E)conomic Recovery and Sustainability.
Ang RISE matud pa ang mohulma sa development agenda ni Mayor Klarex, ug magsilbi kining giya sa pagpanday sa Medium Term Development Plan ug Annual Investment Plan sa city hall.
Samtang, gihangyo usab ni Atty. Raagas ang tanan kawani sa city hall nga ipatigbabaw kanunay ang propesyonalismo diha sa pagpanarbaho sa city hall sa walay paglantaw sa kolor sa politika tungod ug alang sa kaayuhan sa katawhan sa dakbayan sa Cagayan de Oro.
(Source: Cagayan de Oro City Information Office Facebook page)
