Gipakita na ang camp marker sa bag-ong kampo sa Philippine Army 58th Infantry “Dimalulupig” Battalion sa lungsod sa Claveria, Misamis Oriental, partikularmente sa Bgry. Bulahan, bag-ohay pa lang.
Sa maong marker nakabutang: HOME OF THE DIMALULUPIG TROOPERS”, nakaugbok sa yuta maoy ilhanan sa pagpasalamat sa LGU Claveria sa serbisyo sa 58th IB ubos sa 4th Infantry Division alang sa pagpatunhay sa kahusay ug kalinaw hilabina sa pagpugong sa insurhensiya sa tibuok ginsakpan sa maong military headquarters.
Ang maong marker pinirmahan nila ni kanhi Gobernador ug karon MisOr 2nd District Congressman Bambi Emano, Governor Peter M. Unabia; Claveria Mayor Meraluna S. Abrogar; Bulahan Brgy. Chairman Tomas B. Macas, ug 58IB Commanding Officer LTC Ricky L. Canatoy.
(Source: Misamis Oriental Provincial Information Office Facebook page)