Anaa na lamang sa siyam (9) ka mga active cases ang natala sa Cagayan de Oro adlaw’ng Domingo, Abril 24 basi sa taho sa City Health Office (CHO) ug COVID 19 Emergency Operation Center ning syudad.
Basi sa datos, mitala lamang og duha ka bag-ong kaso sa COVID 19 ang syudad sa milabay’ng duha ka adlaw (Sabado ug Domingo) ug lima (5) ka mga bag-ong recoveries ug walay nakabsan sa kinabuhi.
Ang pagkunhod sa datos resulta usab sa taas na nga fully vaccination rate o kadtong nakadawat sa second dose nga anaa na sa 91.70%, samtang 24.43% pa lamang ang naka-booster shot.
Subay niini, padayon usab ang panawagan ni Mayor Oscar Moreno kauban ang Emergency Operation Center sa mga wala pa makadawat sa booster shot nga mobisita lamang sa mga vaccination sites aron malikayan ang moderate o severe symptoms kung ugaling mataptan sa maong virus.
(Source: Cagayan de Oro City Philippines Facebook page)