Gingoog City – Malampusong nasikop sa mga tropa sa 58th Infantry (Dimalulupig) Battalion ang usa (1) ka CPP-NPA Terrorist (CNT) atol sa pursuit operation sa Brgy Lawaan, Gingoog City, Misamis Oriental niadtong miaging adlaw.
Karong bag-o lang, nakig-engkwentro ang tropa sa 58IB sa grupo ni Dionesio Micabalo alyas Muling, nga miresulta sa iyang kamatayon ug pagkasikop sa mga high powered firearms, personal nga gamit ug uban pang war materials. Human niini, gilusad sa 58IB ang pursuit operation sa mga miikyas nga kaaway.
Niadtong Hulyo 30 sa buntag, usa ka concerned citizen ang mipahibalo sa militar kalabot sa presensya sa wala mailhing tawo sa Sitio Minlanag, Brgy Lawaan, Gingoog City.
Ang nadakpan nga CNT giila nga si Rubin Palyares Bago alyas Troy, residente sa Munisipyo sa Carmen, Agusan del Norte ug sakop sa Regional Operations Command sa Northern Central Mindano Committee (NCMRC) nga nagdala sa iyang backpack nga adunay sulod nga Anti-Personnel Mines (APM). ). Gi-turnover siya sa Philippine National Police sa Gingoog City sa gabii, sa samang adlaw, alang sa tukmang legal nga mga proseso, pagsiguro nga sila adunay tulubagon sa ilang mga aksyon. (Cheleste Simene, photo courtesy of 58th Infantry (Dimalulupig) Battalion)