Gilusad sa City Tourism and Cultural Affairs Office ang lima ka mga kompetisyon alayon sa kasaulogan sa Pasko ning umaabot bulan sa Disyembre pinaagi sa ilang official Facebook page.
Lakip sa mga kompetisyon nga ipahigayon mao ang ‘Marching Band Competition’ nga bukas alang sa mga ‘community bands’ sa dakbayan, ‘Bangga sa Daygon’ nga bukas sa mga private/public elementary schools, ug ‘Christmas Village Around The World 2022’ nga apilan sa nagkadaiyang barangay.
Bukas usab sa tanan Kagay-anon ang kompetisyon sa ‘Indigay sa Parol 2022’ ug ‘Paskorela’, diin maipakita sa mga partisipante ang ilang abilidad sa natad sa ‘arts and design’.
Padayon pa gihapon ang registration sa tanan nga mga kalihukan karon nga semana pinaagi sa pagbisita sa City Tourism and Cultural Affairs Office nga anaa sa Executive Building sa Cagayan de Oro City Hall o’ sa Cagayan de Oro City Tourism Facebook page.
Buksan ang month-long Christmas celebration sa lokal nga kagamhanan pinaagi sa tinuig nga ceremonial lighting ceremony diin masaksihan ang pagpasiga sa mga Christmas decorations sa City Hall ug Gaston Park.
(Source: City Tourism Office)