MALAMPUSON ang gipahigayong 2nd SGC virtual Town Hall nga gipasiugdahan sa Local School Board (LSB) ning syudad ug sa Synergeia Foundation nga nagtumong sa paghatag og maayong edukasyon sa kabataan bisan pa man sa pandemya nga nasinati sa tibuok kalibutan.
Mokabat sa 164 elementary school attendees ug 123 usab ka secondary attendees sa pampublikong tunghaan sa Cagayan de Oro ang misalmot sa maong kalihukan diin nagtumong kini sa pagpalambo sa edukasyon ilabina sa kalisdanan nga nasinati sa mga kabataan, sa mga ginikanan ug sa tibuok komunidad.
Matud ni Dr. Milwida Guevarra, president ug CEO sa Synergeia Foundation Inc., nga ang batang Pilipino lakip sa 70 ka nga naglisod sa reading, mathematics ug science.
Busa, naglaum si Mayor Oscar Moreno kauban ang Local School Board nga matabangan ang edukasyon pinaagi usab sa kooperasyon sa barangay, mga ginikanan ug sa komunidad sa pagmatuto sa mga kabataan aron ilang makab-ot ang gitinguhang kalamboan.
Lakip usab sa misuporta si Kagawad Suzette Magtajas Daba, Schools Division Supt Cherry Mae Limbaco-Reyes ug LSB executive director Maria Dulce Potenciano. (CIO)
