Cagayan de Oro – Usa ka talagsaong kahigayonan ang nagpaabot sa mga Recovering Persons Who Use Drugs (RPWUDs), miyembro sa pamilya sa RPWUDs, ug Community-Based Drug Rehabilitation Program (CBDRP) service providers sa ipahigayon nga Uswag Local Recruitment Activity 2024 sa lokal nga kagamhanan ning syudad ubos sa administrasyon ni Mayor Rolando `Klarex’ Uy pinaagi sa City Anti-Drug Abuse Council (CADAC) diha sa Tourism Hall, karong Biyernes, Marso 15, 2024.
Si Dr. Rhyselle Bernadette Melliza-Descallar, head sa City Anti-Drug Abuse Division-Oro Wellness Center, mibutyag nga adunay 400 ka bakanteng trabaho ang kapilian sa mga aplikante gikan sa nagkadaiyang mga employers.
Lakip sa maka-apply ang mga solo parents, LGBTQIA, ug mga miyembro sa uban volunteer organizations.
Ang kalihokan magsugod sa 8:00 sa buntag hangtod 5:00 sa hapon, diin ang mga aplikante gidasig nga magdala og application letter (3-5 copies) ug Resume (3-5 copies).
Ang Uswag Local Recruitment Activity 2024 namugna uban sa pakigtimbayayong sa Volunteerism and Active Citizenship Division, inabagan sa Public Employment Service Office (PESO).
Source: CIO CDO